طريقة عمل الفتوش الاصلي الشامي...لا يفوتكم

طريقة عمل الفتوش الاصلي الشامي...لا يفوتكم ,

هاااااااااااااي

اليوم جبت لكم طريقة عمل الفتوش الاصلي الشامي



وإنشاء الله يعجبكم

المقادير:

4 حبات بندورة
4 حبات خيار
بصلة
فرفحينا
بقدونس
فجل أحمر
نعناع ناشف
رمان
ليمون
سماق
ملح
خبز
زيت
الطريقة:

أول شي بنفرط الرمان

تاني شي بنجهز الخبز وبنقطعو أرباع صغيره

بعد هيك بنجهز السلطة ( القطع لازم تكون كبيره نسبيا)

بنقطع البندورة + الخيار

ونفرم البقدونس والفرفحينا

والفجل يقطع لشرحات

نفرم البصل فرم ناعم

نخلط هاي المقادير مع بعض

ونعصر فوقيهم الليمون نرش عليهم النعناع الناشف والسماق + الملح

تاني خطوة:

بنجهز الخبز ونقلية عالنار بالزيت

ونخلية للون دهبي

ونصفيه من الزيت

بعد هيك بنخلطو مع المقادير + نسكب شوية زيت

ونرش فوقو الرمان ( حسب الرغبه)

نصحية طعم الرمان معاه بجنننن ... يم يم

وصحتين وعافية .